Valyuta.com

ATU Almaniyanın Heydelberq Universiteti ilə əməkdaşlığa başlayır

ATU Almaniyanın Heydelberq Universiteti ilə əməkdaşlığa başlayır

Almaniya Federativ Respublikasının ali təhsil müəssisələri ilə əməkdaşlıq bizim üçün çox əhəmiyyətlidir və prioritet istiqamətlərdən biridir.
Bunu Azərbaycan Tibb Universitetinin (ATU) rektoru, professor Gəray Gəraybəyli ATU-nun Tədris Cərrahiyyə Klinikası ilə Almaniyanın Heydelberq Universitetinin Manhaym Tibb Mərkəzinin Cərrahiyyə Klinikası arasında əməkdaşlığa həsr olunmuş tədbirdəki çıxışı zamanı deyib.
Universitetin mətbuat xidmətindən verilən məlumata görə, “Diplomdan sonrakı təhsil sahəsində əməkdaşlıq” layihəsinə həsr olunmuş onlayn formatlı tədbirin açılış mərasimində Heydelberq Universitetinin Manhaym Tibb fakültəsinin dekanı, professor Sergey Goerdt, Almaniyanın Azərbaycandakı fövqəladə və səlahiyyətli səfiri Volfqanq Maniq və Azərbaycanın Almaniyadakı fövqəladə və səlahiyyətli səfiri Ramin Həsənov iştirak ediblər. Onlar çıxışlarında Azərbaycan və Almaniya arasında müxtəlif sahələr, o cümlədən təhsil və səhiyyə sahəsi üzrə əməkdaşlığın əsas istiqamətlərindən danışıblar.
Rektor Gəray Gəraybəyli öz çıxışında Tibb Universitetinin – ötən il 90 yaşını qeyd edən bu qocaman ali təhsil ocağının əldə etdiyi uğurları yada salıb. Qeyd edib ki, hazırda təhsil ocağının 6 fakültəsində 8 min tələbə təhsil alır. Onlardan 2500-ə yaxını dünyanın 35 ölkəsindən olan əcnəbi tələbələrdir. Universitetin dörd klinikası haqqında tədbir iştirakçılarına məlumat verən rektor onu da diqqətə çatdırıb ki, 2013-cü ildə ölkə Prezidenti İlham Əliyevin Sərəncamı ilə tikilərək istifadəyə verilən Tədris Cərrahiyyə Klinikasında tələbələrin, xüsusilə də rezidentlərin keyfiyyətli təhsili, bilik və bacarıqlarını artırması üçün hər cür şərait yaradılıb.
Professor G.Gəraybəyli hazırda dünyanın 30-a yaxın ölkəsinin 80-ə qədər ali tədris və elmi tədqiqat mərkəzləri ilə əməkdaşlıq etdiklərini bildirib: “Beynəlxalq tərəfdaşlıqlarımız arasında Almaniya Federativ Respublikası ilə əlaqələrimiz xüsusi yer tutur. Almaniya ATU məzunlarının rezidentura təhsili üçün ən çox üz tutduğu ölkələrdən biridir. Statistikaya görə, indi Almaniyada 900-ə yaxın azərbaycanlı həkim işləyir. Ona görə də Manhaym Tibb Mərkəzinin Cərrahiyyə Klinikası ilə əməkdaşlıq bizim üçün vacibdir”.
O, layihəyə verdiyi dəstəyə görə Alman Akademik Mübadilə Xidmətinə öz təşəkkürünü çatdırıb.
Mərasimdə ATU-nun Tədris Cərrahiyyə Klinikasının direktoru Surxay Hadıyev rəhbərlik etdiyi müəssisəsinin fəaliyyəti, yaradılan şərait, pandemiya ilə mübarizədə klinika əməkdaşlarının gördüyü işlər və digər məsələlər barədə danışıb. Konfransda Manhaym Tibb Mərkəzinin Cərrahiyyə Klinikasının direktoru, professor Kristof Reisfelder “Almaniyadakı cərrahi təcrübə və təhsilə qısa baxış” məruzəsi ilə çıxış edib. Manhaym Tibb Mərkəzinin layihə koordinatoru Vüqar Yaqublu “Rezidentura pilləsində cərrahiyyə ixtisası üzrə əməkdaşlıq” mövzusunda və PAGEL proqramı haqqında ətraflı məlumat verib.
Layihənin Azərbaycan tərəfdən koordinatoru ATU-nun beynəlxalq əlaqələr üzrə prorektoru dosent Orxan İsayev, Almaniya tərəfdən isə Manhaym Tibb Mərkəzinin Cərrahiyyə Klinikasının professoru Mixael Keesedir. Layihənin əsas məqsədi cərrahiyyə profili üzrə diplomdansonrakı tibb təhsili, elmi araşdırmalar və xəstələrin menecmentinin təşkili məqsədilə alman və azərbaycanlı mütəxəssislərin potensialından istifadə edilməsidir. Layihə çərçivəsində qısa və uzunmüddətli təcrübə proqramlarının, canlı və onlayn formatda tədris kurslarının təşkili, həmçinin tələbə və rezidentlərin, gənc həkimlərin təcrübə mübadiləsinin aparılması da nəzərdə tutulub.шаблоны для dle 11.2





Sentyabr-2021

~ Sonuncu nömrə ~

Bütün nömrələr

Elanlar
ELANLAR

Daha çox

Film və videolar

Daha çox

Sosial reklamlar

Daha çox

Facebook
Səhiyyə Nazirliyinin nəşrləri

İlham Əliyev

Mehriban Əliyeva

Mehriban Əliyeva


Nigar Məcidova