Cəbhə boyunca Azərbaycan Ordusuna məğlub olan Ermənistan silahlıları yaşayış məntəqələrini, mülki obyektləri, dinc sakinləri, hətta təcili tibbi yardım avtomobillərini atəşə tutmaqda davam edir.
AZƏRTAC xəbər verir ki, bir hadisədə yaralıları daşıyan təcili tibbi yardım avtomobili Ağcabədi rayonunun Sarıcallı kəndi ərazisində düşmən artilleriyasının hücumuna məruz qalıb. Həkim-anestezioloq Tural Babayev və sürücü Yasər Əliyev ağır bədən xəsarətləri alıblar.
Digər hadisədə isə Tərtər rayonunun Azad Qaraqoyunlu kəndi ərazisində yaralıları daşıyan təcili tibbi yardım avtomobili düşmənin atəşinə tuş gəlib. Hadisə nəticəsində feldşer Azər Əhmədli və sürücü Zəfər Musayev ağır bədən xəsarətləri alıblar.

---

---