Ana südü ilə qidalanan uşaqlarla bağlı maraqlı nəticə əldə edilib. Türkiyə mətbuatının verdiyi məlumata görə, 1300 qadın və uşağın illər boyu davranış və inkişaf sxemi araşdırılıb. Uşaqlar 3 yaşına çatanda onlara dil testi keçirilib. Tədqiqatçılar müəyyənləşdiriblər ki, körpə ikən 6 ay boyunca ana südü ilə bəslənən uşaqlar ana südünü heç qəbul etməyənlərdən 3 bal yüksək nəticə göstəriblər. Üzərində müşahidə aparılan uşaqlar 7 yaşına çatanda İQ testindən də keçiriliblər. Bir il boyunca ana südü ilə bəslənən körpələr ana südü verilməyənlərlə müqayisədə 4 bal yüksək nəticə göstəriblər.
Tədqiqatçılar bildirirlər ki, bütün digər bərabər şərtlər daxilində əgər körpələrdən biri digərindən 1 ay artıq ana südü ilə qidalanıbsa, bu onun zəka göstəricisinə orta hesabla 1/3 bal təsir edir.

---

---