Bir qəza nəticəsində iki qolunu itirmiş Feliks Qretarsson iki qol və iki çiyin transplantasiyası ilə təbabət tarixinə düşdü.
Feliks Qretarsson elektrik cərəyanı vurması səbəbindən hər iki qolundan məhrum olmuş, illər uzunu müalicə və reabilitasiya olunmuşdu. Bundan sonra Fransada son dərəcə mürəkkəb və çoxcəhətli cərrahiyyə əməliyyatı ilə ona iki qol və çiyin köçürülüb.
Transplantasiya olunan orqanların hərəkətini təmin etmək məqsədilə əməliyyat zamanı yalnız qollar deyil, çiyin bölgəsinin sümük, əzələ, damar və sinirlərini də əhatə edən böyük orqanlar qrupu nəql edilib. Bu səbəbdən, əməliyyat standart bir orqan transplantasiyasından daha mürəkkəb olub və daha uzun müddət vaxt tələb edib.
Bu orqanların köçürülməsinin ən çətin cəhətlərindən biri sinirlərin bağlanması idi. Sinir əlaqələrinin bərpasına xeyli vaxt tələb olunduğuna görə, qolların hərəkət və hissiyyat funksiyalarınin yenidən qazanılması üçün uzunmüddətli reabilitasiya tədbirləri lazım oldu. Əməliyyatdan sonra aparılan uzunmüddətli fizioterapiya müalicəsi və reabilitasiya sayəsində Feliks Qretarsson qollarını hərəkət etdirməyə başladı, bir müddətdən sonra bəzi hərəkətlərinə nəzarət etməyi öyrəndi.
İki qol və çiyin nəqli cərrahların eyni anda sümük, damar, əzələ, vətər və sinirlər üzərində çalışmalı olduğu çox mürəkkəb və həssas bir cərrahi müdaxilədir. Bu cür əməliyyatlar ağır üzv itkisi yaşayan pasiyentlər üçün gələcəkdə yeni müalicə seçimləri yaradır.
Feliks Qretarssonun hadisəsi yalnız bir orqanın transplantasiyası deyil, insan orqanizmindəki fərqli toxumaların eyni anda işlənməsini hədəfə alan, təbabət aləminin ən mürəkkəb cərrahi rekonstruktiv əməliyyatlarından biri kimi diqqət çəkir.

---

---