Alman mütəxəssislər müəyyən ediblər ki, qabın rəngi iştahaya və qidanın mənimsənilməsinə təsir edir. Onların həyata keçirdiyi tədqiqatın nəticələrinə görə, qırmızı rəngli boşqablar toxluq hissinin yaranmasına kömək edərək, yeməyin porsiyasını 40 faizədək azaltmağa imkan verir.
Aparılan təcrübələr sübut edib ki, eksperimentdə iştirak edən könüllülər göy fincanlarla müqayisədə qırmızı fincanlardan 2 dəfə az çay içiblər. Qırmızı, göy və ağ boşqablarda verilən şirniyyatlar isə qırmızı qablardan o birilərindən 30 % az yeyilib.
Qırmızı insanda qorxu və həyəcan hissi yaradan ən aqressiv rəng sayılır. O, qadağa rəngi olduğuna görə, insan şüuraltı səviyyədə artıq nə isə yeməyə qorxur.
Alimlər əmindirlər ki, qırmızı qabların köməkliyi ilə çox yemək və alkoqolizm kimi zərərli adətlərlə mübarizə aparmaq mümkündür.

---

---