Azərbaycan Respublikasının Prezidenti İlham Əliyev “Azərbaycan Respublikası Fövqəladə Hallar Nazirliyinin əməkdaşlarının təltif edilməsi haqqında” Sərəncam imzalayıb.
Sənədə əsasən, xidməti vəzifələrini yerinə yetirərkən fərqləndiklərinə görə Azərbaycan Respublikası Fövqəladə Hallar Nazirliyinin bir qrup əməkdaşı “İgidliyə görə”, “Hərbi xidmətlərə görə”, “Dövlət qulluğunda fərqlənməyə görə” və 3-cü dərəcəli “Fövqəladə hallar orqanlarında xidmətdə fərqlənməyə görə” medalları ilə təltif ediliblər.
Mükafatlandırılanlar arasında tibb işçisi də var. Belə ki, tibb xidməti polkovniki Elçin Vəliağa oğlu Əligülov “Hərbi xidmətlərə görə” medalı ilə təltif olunub.

---

---