Səhiyyə Nazirliyinin Analitik Ekspertiza Mərkəzində (AEM) dərman vasitələrinin qeydiyyatı ilə məşğul olan şirkətlər və distribüterlər üçün toplantı keçirilib. Tədbir şirkət nümayəndələrini Nazirlər Kabinetinin 2019-cu il dekabrın 25-də verdiyi qərarlarla təsdiq edilmiş “Dərman vasitələrinin ekspertizasının aparılması Qaydası” və “Dərman vasitələrinin farmakonəzarət Qaydası” barədə məlumatlandırmaq, yeni qaydalara əsasən tətbiq olunan yenilikləri, fərqli aspektləri və bir sıra məqamları aydınlaşdırmaq və maarifləndirmə işləri aparmaq məqsədi daşıyıb.
AEM-in Qeydiyyat-ekspertiza və Farmakonəzarət şöbələrinin mütəxəssisləri həmin məsələlərlə əlaqədar bir sıra məqamları izah edib və yeni qaydaların tətbiqi sahəsində yaranan sualları cavablandırıblar.
Tətbiq edilən yeniliklərlə əlaqədar müzakirələr aparılıb.

---

---