Bu ilin mart ayında Səhiyyə Nazirliyinin Analitik Ekspertiza Mərkəzi (AEM) tərəfindən ümumilikdə 54 aptekdə yoxlama aparılıb. Bu barədə Mərkəzin mətbuat xidmətindən məlumat verilib.
Məlumata görə, yoxlamalardan 19-u Bakı şəhərində, 35-i isə ölkənin digər şəhər və rayonlarında yerləşən apteklərdə həyata keçirilib.
Bildirilir ki, keçirilmiş yoxlamaların 53-ü planlı, biri isə plandankənar olub.
Nəticələrə əsasən, 12 aptekdə müxtəlif nöqsanlar aşkar edilib. Aşkarlanmış pozuntularla bağlı Azərbaycan Respublikasının İnzibati Xətalar Məcəlləsinin 215.4, 221.1, 452.2 və 452.3-cü maddələri üzrə müvafiq inzibati protokollar tərtib olunub.

---

---