Səhiyyə Nazirliyinin Analitik Ekspertiza Mərkəzi (AEM) mart ayı ərzində aptek təşkilatlarında keçirilmiş yoxlamaların nəticəsi haqqında məlumat yayıb.
AEM-dən bildirilib ki, bu müddətdə Bakı şəhəri üzrə 10, digər rayonlar üzrə 2 aptek olmaqla, cəmi 12 aptekdə planlı və plandan kənar yoxlamalar həyata keçirilib. Əczaçılıq müəssisələrinə baxış zamanı 9 adda, 26 qutu qeydiyyatsız və sertifikatsız dərman vasitəsi aşkarlanıb və müsadirə edilib. Azərbaycan Respublikasının İnzibati Xətalar Məcəlləsinin 215.4, 221.1, 451, 452.1, 452.3 maddələri üzrə 7 protokol tərtib olunub.

---

---