“Sanofi” şirkəti özünün apardığı tədqiqatlara əsasən, “Lozap®” ticari adlı preparatının iki seriyasını geri çağırıb.
Belə ki, losartan potassium - 50 mq tərkibli örtüklü tabletlər №30 (3x10) blisterdə, karton qutu qablaşdırmada “Lozap” preparatının son istifadə tarixi bu il iyunun 1-dək olan 2660720 seriyası və son istifadə tarixi gələn il yanvarın 1-dək olan 2130221 seriyası satışdan çıxarılıb. Buna səbəb dərman vasitələrinin tərkibində azid duzu qatışıqlarının yol verilən gündəlik maksimum limitdən çox olması ehtimalıdır.
Həmin ehtimalı nəzərə alaraq, 2660720 və 2130221 seriyalı “Lozap®” ticari adlı dərman vasitələrinin geri çağırılması qərarı qəbul edilib, onun ölkəyə idxalı, ölkədə topdan və pərakəndə satışı dayandırılıb.
Bu barədə Səhiyyə Nazirliyinin Analitik Ekspertiza Mərkəzindən məlumat verilib.

---

---