Ümumdünya Səhiyyə Təşkilatı tərəfindən yaradılmış Bioloji Dərman Vasitələrinin Keyfiyyətinə Nəzarət Laboratoriyalarının Şəbəkəsi üzvlərinin onlayn formatda 4-cü ümumi görüşü keçirilib.
Görüşdə Səhiyyə Nazirliyinin “Analitik Ekspertiza Mərkəzi” publik hüquqi şəxsi (AEM) şəbəkənin assosiativ üzvi kimi iştirak edib.
AEM-in mətbuat xidmətindən verilən məlumata görə, görüşdə bioloji dərman vasitələrinin keyfiyyətinə nəzarət məsələləri və bu məqsədlə yaradılmış Bioloji Dərman Vasitələrinin Keyfiyyətinə Nəzarət Laboratoriyaları Şəbəkəsinin fəaliyyətinin əhəmiyyəti haqqında müzakirələr aparılıb. Həmçinin hər bir üzv ölkə milli tənzimləyici qurumları və laboratoriyaları haqqında hazırladıqları təqdimatlarla çıxış edib.

---

---