London Universiteti Kollecinin mütəxəssisləri insanın immun çatışmazlığı virusunun (İÇV) və kompüter virusunun yayılması arasında analogiya aparıblar. Hər iki halda virus uzun müddət saxlanılır, özünü büruzə vermir, onu xüsusi vasitələrsiz təmizləmək çox çətin olur. Xüsusi riyazi model alimlərin təxminlərini təsdiq edib.
Adi kompüter virusları ilə İÇV arasında ümumi cəhətlər çoxdur. İÇV qan sistemində yayılmaqla bərabər, çoxlu miqdarda qan hüceyrəsi yoluxdurur. Kompüter virusları da oxşar sxem üzrə işləyir, qovluqları, faylları zədələyərək, başqa kompüterlərə məlumat göndərir. Alimlər hesab edirlər ki, əldə olunmuş informasiya İÇV virusunun təbiətini daha yaxşı anlamağa kömək edəcək.

---

---