Siçanlarda yaddaşı möhkəmləndirən gen tapılıb
ABŞ-ın Baylor Universitetinin tədqiqatçıları bəzi təcrübə siçanlarında super yaddaş əlamətləri müşahidə edərək, buna səbəb olan geni müəyyənləşdirdiklərini bəyan ediblər. Tədqiqatçılar insan və siçan beyninin bir-birinə bənzəməsindən yararlandıqlarını, bu gen sayəsində hətta Altsheymer xəstəliyin də qarşısını almağın mümkünlüyünü bildiriblər. Belə ki, siçanlar üzərində aparılan təcrübələrdə Altsheymer xəstəliyi zamanı tapılan PKR geni blok edilib.
Alimlər qeyd edirlər ki, tədqiqatın nəticələrinə əsaslanaraq, insanlarda güclü yaddaş yarada biləcək dərman da hazırlamaq olar. Onlar həmçinin vurğulayırlar ki, əgər insanlar üzərində də eyni uğur təkrar edilsə, təkcə beynə ziyan verən xəstəliklərin qarşısı alınmayacaq, həm də insanlar heç vaxt heç nəyi unutmayacaqlar.

---

---