Amerikalı alimlər müəyyənləşdiriblər ki, artıq çəkisi olan adamların beyni normal çəkili həmyaşıdları ilə müqayisədə 16 il yaşlı görünür. "New Scientist" jurnalında yer alan xəbərə görə, Los-Ancelesdəki Kaliforniya Universiteti əməkdaşlarının araşdırmalarına nevrologiya sahəsi üzrə mütəxəssis, professor Pol Tomson rəhbərlik edib.
Mütəxəssislər təxminən 100-ə yaxın adamın beyin tomoqramlarını araşdırıblar. Məlum olub ki, çəkisi artıq olan adamların beyni normal çəkili adamların beyni ilə müqayisədə kiçik olur. Alimlərin fikrincə, kök adamlarda beynin kiçilməsi qan dövranının pozulması ilə əlaqədardır. Bu zaman beyin oksigenlə tam təmin olunmur və nəticədə hüceyrələr ölməyə başlayır.

---

---