Azərbaycan Respublikasının Prezidenti İlham Əliyevin İran İslam Respublikasına rəsmi səfəri çərçivəsində iki ölkə arasında sənədlərin imzalanması mərasimi olub.
Azərbaycan Prezidenti İlham Əliyevin və İran Prezidenti Həsən Ruhaninin iştirakı ilə keçirilən mərasimdə 11 sənəd, o cümlədən müxtəlif sahələrdə əməkdaşlıq haqqında sazişlər, çərçivə sazişləri və memorandumlar imzalanıb.
Sənədlərdən biri də “Azərbaycan Respublikasının Səhiyyə Nazirliyi ilə İran İslam Respublikasının Səhiyyə və Tibbi Təhsil Nazirliyi arasında səhiyyə və tibb elmi sahəsində əməkdaşlıq haqqında Anlaşma Memorandumu” olub.
Sənədi Azərbaycan tərəfdən səhiyyə naziri Oqtay Şirəliyev, İran tərəfdən isə səhiyyə və tibbi təhsil naziri Seyid Həsən Qazizadə Haşimi imzalayıblar.

---

---