Ümummilli Lider Heydər Əliyevin anadan olmasının 100-cü ildönümü münasibətilə Səhiyyə Nazirliyi və Ekologiya və Təbii Sərvətlər Nazirliyi tərəfindən Müşfiqabad qəsəbəsi ərazisində ağacəkmə aksiyası təşkil olunub.
Səhiyyə Nazirliyinin mətbuat xidməti bildirir ki, nazirliklərin rəhbər şəxslərinin və əməkdaşlarının iştirakı ilə keçirilən tədbirin məqsədi ölkəmizdə ətraf mühitin qorunması və ekologiyanın sağlamlaşdırılmasına hər zaman böyük önəm verən Ulu Öndər Heydər Əliyevin əziz xatirəsini yad etmək, eyni zamanda, Ümummilli Liderin təbiətə, yaşıllıqlara qayğı ənənələrini davam etdirməkdir.
Aksiya zamanı Müşfiqabad qəsəbəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib və onlara aqrotexniki qulluq göstərilib.

---

---