Türk Dövlətləri Təşkilatı ölkələrinin vahid transplantasiya məkanının yaradılması nəzərdə tutulur

Türk Dövlətləri Təşkilatı ölkələrinin vahid transplantasiya məkanının yaradılması nəzərdə tutulur

“Hazırda iştirak etdiyimiz Türk Dünyası Tibb Konqresi çərçivəsində Türk Dövlətləri Təşkilatına (TDT) üzv ölkələrin səhiyyə nazirləri bir araya gəldik və bəzi mühüm məsələləri müzakirə etdik. Hər bir nümayəndə heyəti düşündüyü vacib məsələlərə toxundu, öz təklifini verdi. Azərbaycan Respublikasının nümayəndə heyəti də bir neçə mühüm məsələ ilə bağlı öz fikrini bildirdi. Biz TDT çərçivəsində vahid türk təhsili standartının bərqərar olması və təhsildən sonrakı təlimlər təklifini irəli sürdük. Bununla bağlı müzakirələr aparıldı və ölkələr arasında ilkin razılıq əldə edildi”.
AZƏRTAC xəbər verir ki, bu fikirləri ölkəmizin səhiyyə naziri Teymur Musayev İstanbulda keçirilən konqresdə Azərbaycan mediasına müsahibəsində bildirib.
Tədbirdə əczaçılıq sektorunda tibbi cihazların istehsalına dair müəyyən fikir birliyinin əldə edildiyini deyən nazir söyləyib: “Ölkələr arasında vahid işçi qrupu yaradılacaq ki, bununla da istər insan kapitalı, istər elmi nailiyyətlər, istərsə də xammal imkanları baxımından ümumi bir strategiya müəyyən olunacaq və növbəti beş il üçün yol xəritəsi qəbul ediləcək. Həmin yol xəritəsinə uyğun olaraq ölkələr arasında əczaçılıq sektoru üzrə mühüm addımlar atılacaq”.
Ölkəmizin tədbirdə toxunduğu digər məsələlər barədə danışan nazir deyib: “TDT-yə üzv ölkələrdə orqan köçürülməsi müxtəlif inkişaf səviyyəsindədir. “Avrotransplant” adlanan təşkilata paralel olaraq Türk Dövlətləri Təşkilatı çərçivəsində “Türktransplant”- vahid transplantasiya məkanının yaradılması təklifini irəli sürdük. Bununla bağlı Azərbaycanın verdiyi təklif ölkələr tərəfindən qəbul edildi və müzakirələr başlayıb. TDT-yə üzv ölkələrin ümumi əhali sayı 170 milyondan artıqdır. Bu baxımdan orqan donorluğu ilə bağlı vahid platformanın yaradılması sayəsində orqan köçürülməsinə ehtiyacı olan insanların gözləmə siyahısı əhəmiyyətli dərəcədə qısalacaq və həmin məkanda transplantologiya üzrə vahid yüksəkkeyfiyyətli xidmətlər göstəriləcək. Artıq Səhiyyə Nazirliyi tərəfindən transplantologiya üzrə koordinasiya mərkəzi yaradılıb, müxtəlif ölkələrin təcrübəsi öyrənilib. Həmin təcrübəyə əsasən, Azərbaycana uyğun format yaradılıb və demək olar ki, qurumun qeyri-rəsmi açılışı artıq baş tutub. Bu istiqamətdə bir neçə komissiya fəaliyyət göstərir ki, bunlar da hər bir orqanı ayrı-ayrılıqda əhatə edir”.

Günel Məlikova
AZƏRTAC-ın xüsusi müxbiri

İstanbul





Noyabr 2022

~ Sonuncu nömrə ~

Bütün nömrələr

Elanlar
ELANLAR

Daha çox

Film və videolar

Daha çox

Sosial reklamlar

Daha çox

Facebook
Səhiyyə Nazirliyinin nəşrləri

İlham Əliyev

Mehriban Əliyeva

Mehriban Əliyeva


Nigar Məcidova