Azərbaycan Respublikasının Prezidenti İlham Əliyev Naxçıvan Muxtar Respublikasına səfəri çərçivəsində Azərbaycan Televiziyasına müsahibə verib. Dövlət başçısı digər mövzularla yanaşı, səhiyyə ilə əlaqəli bəzi məsələlərə də toxunub.
Müxbirin Naxçıvanda hərbi aerodromun və hərbi hospitalın açılışı, Muxtar Respublikanın təhlükəsizliyinin təmin olunmasında bu iki obyektin rolu barədə sualına cavab olaraq Azərbaycan Prezidenti deyib ki, Naxçıvan Muxtar Respublikasının təhlükəsizliyinin təmin edilməsində, hərbçilərin xidmət və məişət şəraitinin yaxşılaşdırılmasında bu obyektlərin böyük önəmi var: “Naxçıvan Qarnizonu Mərkəzi Hospitalının açılışı da əlamətdar hadisədir. Çünki bu, Naxçıvan Muxtar Respublikasının ən böyük tibb müəssisəsidir, çarpayıların sayına görə Mərkəzi Xəstəxanadan da böyükdür”.
Ölkə rəhbəri Naxçıvan Ordusunun potensialından, İkinci Qarabağ müharibəsində Naxçıvan hərbçilərinin fəal iştirakından, fədakarlığından danışıb.

---

---