Ümumdünya Səhiyyə Təşkilatının (ÜST) Baş direktoru Tedros Adhanom Gebreyesus şəxsi “Twitter” hesabında Azərbaycan Respublikasının Prezidenti İlham Əliyevin Ümumdünya Sağlamlıq Günü münasibətilə videomüraciətindəki çağırışları ilə bağlı paylaşım edib.
ÜST-nin Baş direktoru öz paylaşımında Azərbaycan Prezidentinə təşəkkürünü bildirərək yazıb: "BMT-nin İnsan Hüquqları Şurasında COVID-19 peyvəndlərinə ədalətli, əlverişli, vaxtında və universal şəkildə çıxışın əldə olunması ilə bağlı çağırışdakı liderliyinizə görə, Prezident Əliyev, Sizə təşəkkür edirəm. Razıyam ki, biz vaksinlərin ədalətli paylanmasını təmin etmək üçün daha çox iş görməliyik. Peyvənd və sağlamlıq sahəsində ədalət naminə birləşək!”

---

---