Səhiyyə Nazirliyinin təşkilatçılığı ilə qurumun səlahiyyətli nümayəndələri tərəfindən ölkənin böyük tibb müəssisələrində vətəndaşların qəbulu keçirilməyə başlayıb.
Belə ki, aprelin 29-dan etibarən Nazirliyin əməkdaşları Kliniki Tibbi Mərkəzdə, 3 saylı Şəhər Klinik Xəstəxanasında, Akademik Mirqasımov adına Respublika Klinik Xəstəxanasında və Akademik Zərifə Əliyeva adına Milli Oftalmologiya Mərkəzində vətəndaşları qəbul edirlər.
Nazirliyin mətbuat xidmətindən bildirilib ki, qəbul zamanı səlahiyyətli nümayəndələr vətəndaşların problemlərini dinləyib, onları yerində həll edəcəklər.

---

---