Milli Məclisin yaz sessiyasının növbəti plenar iclasında 19 məsələyə baxılıb.
Məlumat verilib ki, ölkə başçısının “Azərbaycan Respublikasında qida təhlükəsizliyi sisteminin təkmilləşdirilməsi ilə bağlı əlavə tədbirlər haqqında” Fərmanı ilə əlaqədar olaraq, bəzi qanunlarda dəyişikliklər edilməsi zərurəti meydana gəlib. Gündəlikdə duran məsələlərdən bir neçəsi məhz bununla əlaqədar olub.
İclasda Səhiyyə komitəsinin sədri Əhliman Əmiraslanov məlumat verib ki, “Sanitariya-epidemioloji salamatlıq haqqında” Qanuna təklif olunan dəyişiklik də Qida Təhlükəsizliyi Agentliyinin yaradılması ilə bağlıdır. Deputatlar bu dəyişikliyə və yeni qanuna müsbət münasibət bildiriblər.

---

---