Səhiyyə Nazirliyinin Elmi-Tibbi Şurasının növbəti iclasında ilkin səhiyyə xidmətinin klinik protokolların tətbiqi ilə bağlı məsələlər müzakirə olunub. Həmçinin tibbdə elmi adların və dərəcələrin verilməsinin yeni qaydaları, Elmi-Tibbi Şura tərəfindən akkreditə olunmuş tədbirlər haqqında hesabat və s. mövzular iclasın gündəliyinə daxil edilib.
İctimai Səhiyyə və İslahatlar Mərkəzinin Səhiyyə siyasəti və planlaşdırma şöbəsinin müdiri Nabil Seyidov gündəliyə daxil edilən mövzulara dair məruzələrlə çıxış edib.
Professor Oqtay Seyidbəyovun sədrliyi ilə keçən toplantıda tibbdə elmi adların və dərəcələrin verilməsinin yeni qaydaları müzakirə olunub. Elmi-Tibbi Şura tərəfindən akkreditə edilən tədbirlər haqqında hesabat iclas iştirakçılarının diqqətinə çatdırılıb və qəbul olunub.

---

---