Nizami Gəncəvi Beynəlxalq Mərkəzi Monteneqroya tibbi ləvazimatlardan ibarət yardım göndərib. COVID-19 pandemiyasının yayıldığı bir dövrdə Azərbaycanın Monteneqroya bu yardımı iki ölkə arasında dostluğun təsdiqidir.
Nizami Gəncəvi Beynəlxalq Mərkəzinin baş katibi Rövşən Muradov məlumat verib ki, yardıma 410 ədəd FFFP2 tipli maska və 50 ədəd qoruyucu geyim daxildir. Bu dəstək Azərbaycan-Monteneqro dostluq və əməkdaşlığının daha bir bariz nümunəsidir.
Bildirilib ki, pandemiya dövründə Azərbaycan hökuməti və iş adamları dəfələrlə Monteneqroya müxtəlif formatda yardımlar ediblər.
Aygün Əliyeva
AZƏRTAC-ın xüsusi müxbiri
Podqoritsa

---

---