Cəbrayıl rayonunun Cocuq Mərcanlı kəndində salınan yeni qəsəbədə tikinti və quruculuq işləri aparılır. Bərpa proqramının ilkin mərhələsində 50 fərdi yaşayış evi və məktəb binasının tikintisi aparılacaq. Bəs kənddə tibb məntəqəsinin tikintisi də nəzərdə tutulurmu?
Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətindən AZƏRTAC-a bildirilib ki, tibb məntəqəsinin inşasının bərpa prosesinin ikinci mərhələsində həyata keçiriləcəyi planlaşdırılır. Bu mərhələdə kənddə daha 150 yaşayış evi, mədəni-maarif obyektləri, uşaq bağçası, əlavə bir məktəb binası və digər sosial obyektlərin tikintisi nəzərdə tutulub.

---

---