Bakı şəhər Baş Səhiyyə İdarəsinin (BBSİ) “Hamiləlik, doğuş və zahılıq dövrlərində ölümlə nəticələnməyən mamalıq ağırlaşmaları hallarının təhlili üzrə işçi qrupu”nun toplantısı keçirilib.
İclasda stasionar doğuşayardım müəssisələrində, eləcə də antenatal xidmət göstərən tibb müəssisələrinə müraciət edən qadınlarda baş vermiş mamalıq ağırlaşmaları, müraciətdən sonrakı günlərdə ağırlaşma halları müzakirə olunub. Eyni zamanda, mamalıq və ekstragenital patologiyası olan hamilə, doğan və zahı qadınlar haqqında əvvəlcədən toplanmış məlumatlar təhlil edilib.
Toplantıda həmçinin Bakı şəhərində doğuşayardım xidməti göstərən tibb müəssisələrində hamiləlik, doğuş və zahılıq ağırlaşmalarının qarşısının alınması məqsədi ilə keçirilmiş monitorinqin nəticələri müzakirə olunub və onların əsasında təkliflər irəli sürülüb.
Qeyd edək ki, “Hamiləlik, doğuş və zahılıq dövrlərində ölümlə nəticələnməyən mamalıq ağırlaşmaları hallarının təhlili üzrə işçi qrup” Səhiyyə Nazirliyinin “Doğuşayardım xidmətinin təkmilləşdirilməsi barədə” əmrinin icrası çərçivəsində, BBSİ-nin 5 aprel 2016-cı il tarixli əmri ilə yaradılıb.

---

---