Mərkəzi Neftçilər Xəstəxanasının həkimləri böyrək transplantasiyası sahəsində daha bir yeniliyə imza atıblar. Xəstəxanada böyrəkköçürmə sahəsində ilk dəfə olaraq yeni metodla böyrək nəqli həyata keçirilib.
Qeyd edək ki, Mərkəzi Neftçilər Xəstəxanasında 5 ilə yaxındır ki, canlıdan-canlıya qaraciyər və böyrək transplantasiyası əməliyyatları icra olunur. İndiyədək 300-ə yaxın böyrəkköçürmə əməliyyatı edilib, onların hamısı cüzi minimal kəsiklə, qapalı üsulla aparılıb.
Yeni metodla həyata keçirilən böyrək transplantasiyası əməliyyatı zamanı isə həkimlər müdaxiləni göbək dəliyi vasitəsilə icra ediblər.
Əməliyyatdan bir gün sonra xəstə evə buraxılıb. Hazırda onun vəziyyəti yaxşıdır.

---

---