Mayın 23-dən başlayaraq, Respublika Diaqnostika Mərkəzi (RDM) əhalinin B və C hepatit viruslarına ödənişsiz müayinələrini keçirir.
Hazırda dünyada geniş yayılan və ciddi fəsadları olan hepatit qlobal miqyasda aktual səhiyyə problemidir. Bu baxımdan, RDM-də təşkil edilən humanitar aksiya sosial xarakter daşıyır və əsas məqsədi əhali arasında xəstəliyin yayılma riskini azaltmaqdır.
Sağlamlığını düşünən hər kəsin iştirak edə biləcəyi aksiya bir ay davam edəcək. Müayinələrdən keçən şəxslər xaricdə təhsil almış həkim-hepatoloqun konsultasiyasına və həkim tərəfindən təyin olunan laborator müayinələrə 20 faiz endirimdən də faydalana bilərlər.
Qeyd edək ki, RDM-də analoji aksiyalar əvvəllər də dəfələrlə təşkil olunub.

---

---