Azərbaycanda “Ambulator tibb müəssisələrindən evə çağırış və ya həkim qəbuluna e-qeydiyyat” elektron xidməti istifadəyə verilib.
18 yaşına çatmamış uşaqların valideynləri yeni elektron xidmət vasitəsilə övladının qeydiyyatda olduğu poliklinikaya getmədən “Elektron səhiyyə” internet portalından həkim qəbuluna yazılmaq və ya evə çağırış üçün müraciət edə bilərlər. Bunun üçün valideynlər e-sehiyye.gov.az saytının “Elektron xidmətlər” bölməsinə daxil olub “Ambulator tibb müəssisələrindən evə çağırış və ya həkim qəbuluna e-qeydiyyat” xidmətindən istifadə edə bilərlər.
Hazırda bu elektron xidmətə Yasamal rayonunda yerləşən 5, 10, 13 saylı Uşaq Poliklinikalarında və 39 saylı Şəhər Poliklinikasında qeydiyyatda olan şəxslər müraciət edə bilərlər.
Elektron xidmətin Bakı şəhəri üzrə tam istifadəyə verilməsi iyunun 1-dən nəzərdə tutulub.

---

---