Azərbaycan Tibb Universitetində (ATU) 9 May – Qələbə günü münasibətilə II Dünya müharibəsi veteranları ilə görüş keçirilib.
Böyük Vətən müharibəsi veteranlarını faşizm üzərində qələbənin 71-ci ildönümü münasibətilə təbrik edən ATU-nun rektoru, professor Gəray Gəraybəyli onların fədakarlığının heç vaxt unudulmayacağını söyləyib.
Tədbirdə universitetdə çalışan müharibə veteranları və “1941-1945-ci illərdə Böyük Vətən müharibəsində fədakar əməyə görə” medalı ilə təltif edilmiş arxa cəbhə veteranları ATU rəhbərliyi tərəfindən hərbi vətənpərvərlik mövzusunun təbliğində xüsusi fəallıqlarına görə mükafatlandırılıblar.
Müharibə veteranları göstərilən diqqət və qayğıya görə təşəkkürlərini bildirib, cəbhə illəri ilə bağlı xatirələrini danışıblar.

---

---