Səhiyyə Nazirliyi bölgələrdə fəaliyyət göstərən səhiyyə mütəxəssislərinin hazırlıq səviyyəsinin artırılması məqsədi ilə yerlərdə elmi seminarların keçirilməsi praktikasını davam etdirir. Bu silsilədən olan növbəti tədbir M.A.Topçubaşov adına Elmi Cərrahiyyə Mərkəzinin Kardiocərrahiyyə şöbəsinin mütəxəssisləri tərəfindən həyata keçirilib.
Göyçay şəhərində təşkil olunan, “Bradikardiyaların müalicəsində süni ritm aparıcılarının tətbiqi” mövzusunda elmi seminarda Göyçay həkimləri ilə yanaşı, Zərdab, Beyləqan və Ucar rayonlarından olan mütəxəssislər də iştirak ediblər.
Gələcəkdə bu qəbildən tədbirlərin həm digər bölgələrdə, həm də müxtəlif mövzularda keçirilməsi planlaşdırılır.

---

---