Tibb işçiləri sertifikasiya şəhadətnaməsini artıq elektron qaydada ala biləcəklər.
Səhiyyə Nazirliyinin mətbuat xidmətindən verilən məlumata görə, bunun üçün e-health.gov.az saytına daxil olmaq, orada “Sertifikasiya şəhadətnaməsinin çapı“ elektron xidməti barədə bölməni seçmək lazımdır. Həmin səhifədəki təlimatda göstərilən ardıcıllıqla sertifikasiya şəhadətnaməsini çap etmək mümkündür.
Əgər vətəndaş e-health.gov.az saytında qeydiyyatdan keçməyibsə, Səhiyyənin İnformasiyalaşdırılması Mərkəzinin rəsmi portalında qeydiyyatdan keçmənin təlimatında göstərilən formada qeydiyyata düşə bilər.
Əlavə məlumatı 433-08-93 nömrəli telefona zəng etməklə və ya info@snsk.az elektron poçtu ilə əlaqə saxlamaqla almaq olar.

---

---