Azərbaycan Respublikası Nazirlər Kabinetinin Qərarı ilə “2016-2020-ci illər üçün İİV/QİÇS-lə mübarizə üzrə Tədbirlər Proqramı” qəbul olunub.
Azərbaycanda İİV infeksiyasının yayılma səviyyəsinin aşağı salınması, İİV-lə yaşayan insanların ömrünün uzadılması və həyat keyfiyyətinin yaxşılaşdırılması məqsədi daşıyan Tədbirlər Proqramının həyata keçirilməsi nəticəsində əhali, ilk növbədə İİV-ə yoluxmaya yüksək riskli qruplar arasında infeksiyanın yayılma səviyyəsinin aşağı salınması; virusun anadan körpəyə ötürülməsi hallarının qarşısının alınması; erkən aşkarlanma, müalicə, qulluq və yardım vasitəsilə İİV infeksiyası ilə bağlı ölüm hallarının azaldılması və İİV-lə yaşayan insanların ömürlərinin uzadılması gözlənilir.

---

---