Azərbaycan paytaxtında növbəti «Bakı Ürək Günləri» mayın 15-17-də «Fairmont» otelində keçiriləcək. Bakıda artıq dördüncü dəfə keçirilən, ümummilli lider Heydər Əliyevin anadan olmasının 92-ci ildönümünə həsr edilmiş bu nüfuzlu beynəlxalq tibb forumunun təşkilatçısı Azərbaycan Ürək-Damar Cərrahiyyəsi Cəmiyyətidir. Forumda kardiologiyanın, həmçinin anadangəlmə ürək qüsuru, ürək çatışmazlığı, transplantasiya və s. zamanı cərrahi müdaxilənin aktual problemləri müzakirə ediləcək. Tədbir çərçivəsində ürək-damar cərrahiyyəsi üçün dərman preparatlarının və tibb avadanlığının sərgisi təşkil olunacaq. İştirakçıların qeydiyyatı mayın 1-dək davam edəcək.

---

---