Biznes Mühiti və Beynəlxalq Reytinqlər üzrə Komissiyanın “Səhiyyə sistemi” işçi qrupunun video-konfrans formatında növbəti iclası baş tutub.
Səhiyyə nazirinin müavini Rasim İsmayılovun sədrliyi ilə keçən iclasda işçi qrupun müvafiq qurum nümayəndələri yarımillik hesabatlarla çıxış ediblər. Həmçinin Komissiyanın fəaliyyətinin daha da optimallaşdırılması məqsədilə digər qurumları təmsil edən yeni üzvlərin təqdimatları dinlənilib.
Video-konfrans formatında keçirilən iclasda səhiyyə sahəsində aparılan yeni islahatlar, gələcək istiqamətlər barədə məlumatlar verilib. Həmçinin sağlam həyat tərzinin təbliği istiqamətləri, səhiyyə xidmətlərinin əlçatanlığı və s. məsələlər ətrafında müzakirələr aparılıb.
İclasın sonunda növbəti görüşdə müzakirə olunacaq işlər barədə qərar verilib.

---

---