Səhiyyə Nazirliyinin İctimai Səhiyyə və İslahatlar Mərkəzi (İSİM) və C.Abdullayev adına Elmi Tədqiqat Kardiologiya İnstitutunun birgə təşkilatçılığı ilə “Gənclik Mall” Ticarət Mərkəzində əhali üçün maarifləndirici tibbi aksiya keçirilib.
Səhiyyə Nazirliyinin rəsmi feysbuk səhifəsi bildirib ki, aksiya iştirakçılarına mütəxəssislər tərəfindən infarkt və ürək-damar sistemi xəstəlikləri haqqında məlumat verilib. Qeyd edilib ki, son illər dünyada ürək-damar sistemi xəstəliklərinin cavanlaşması müşahidə olunur, bu da səhv qidalanma, qeyri-sağlam həyat tərzi, ətraf mühitin çirklənməsi, həmçinin vətəndaşların vaxtında müvafiq profilaktik müayinələrdən keçməməsi ilə əlaqədardır.
Aksiya çərçivəsində portativ aparatlar vasitəsilə vətəndaşlar ilkin müayinələrə (təzyiq və nəbzin ölçülməsi, qanda şəkərin miqdarının müəyyən olunması) dəvət ediliblər, onlara həkim-kardioloqlar, ictimai səhiyyə mütəxəssisləri tərəfindən tövsiyələr verilib.

---

---