Lənkəran şəhərində Azərbaycan Retinoloqlarının 7-ci konfransı keçirilib.
Akademik Zərifə Əliyeva adına Milli Oftalmologiya Mərkəzindən bildirilib ki, konfransın məqsədi oftalmologiya sahəsində baş verən yenilikləri, nailiyyətləri araşdırmaq, təkliflər vermək, region həkimlərinin həmin yeniliklərdən istifadə etməsinə dəstək olmaqdır. Konfransda region və mərkəzin həkim heyəti məruzələrlə çıxış ediblər.
Tədbirdə “Fundus autofluoresensiyanın mərkəzi seroz xoriopatiyanın diaqnostikasında əhəmiyyəti”, “Vitreoretinal cərrahiyyədə vizualizasiya sistemləri”, “Yaşa bağlı makula degenerasiyanın quru formasının proqressivləşməsinin OKT əlamətləri”, “Cərrahi vizualizasiya sistemləri” və s. məsələlər müzakirə edilib.

---

---