ATU ilə UNICEF-in Azərbaycan nümayəndəliyi arasında memorandum imzalanıb

ATU ilə UNICEF-in Azərbaycan nümayəndəliyi arasında memorandum imzalanıb

Azərbaycan Tibb Universitetində (ATU) UNICEF-in Azərbaycan nümayəndəliyinin rəhbərliyi ilə görüş keçirilib. Görüşdə iki qurum arasında əməkdaşlığa dair memorandum imzalanıb.
Universitetdən bildirildiyinə görə, ATU-nun rektoru, professor Gəray Gəraybəyli bu ali məktəb haqqında qonağı ətraflı məlumatlandırıb, beynəlxalq əlaqələri, xarici ölkələrdəki ali məktəblərlə əməkdaşlığı haqqında danışıb.
Professor G.Gəraybəyli qeyd edib ki, universitetin beynəlxalq əlaqələri günü-gündən genişlənir: “Bu əlaqələrin inkişaf etməsi bizim üçün prioritet məsələlərdən biridir. Bunun nəticəsidir ki, universitetimiz xarici tələbə sayına görə Azərbaycanda birinci yerdədir. Bir sıra ölkələrin universitetləri ilə tələbə, müəllim mübadiləsini həyata keçiririk. O cümlədən elmi-tədqiqat işlərini, birgə layihələri təmin edən ikitərəfli müqavilələr fəaliyyətdədir. Bu il universitetimizin 3 təhsil proqramının beynəlxalq akkreditasiyadan keçməsi müasir dünya ilə inteqrasiya kontekstində çox önəmlidir”.
UNICEF-in Azərbaycan nümayəndəliyinin rəhbəri Aleks Haykens bu qurumun ölkəmizdəki fəaliyyəti, həyata keçirilən layihələr barədə məlumat verib: “UNICEF-lə ÜST-nin yeni birgə layihəsi var, mən Azərbaycan Tibb Universitetinin ora qoşulmağını istəyərdim. İnanıram ki, bu istiqamətdə əhəmiyyətli işlər görülə bilər. Məsələn, biz akademik araşdırmalar üzərində birgə işlər apara bilərik. Bu gün imzaladığımız memorandum bir deyil, artıq bir çox sahələr üzrə əməkdaşlıq əlaqələrimizi nəzərdə tutur. Tədris proqramlarının yenilənməsi, elmi işlər və s. buraya daxildir”.
ATU-nun beynəlxalq əlaqələr üzrə prorektoru, dosent Orxan İsayev UNICEF-lə ATU arasındakı əlaqələr, aparılan işlər haqqında məlumat verib.
Daha sonra tərəflər arasında qarşılıqlı əməkdaşlığın perspektivləri müzakirə olunub.
Görüşün sonunda ATU və UNICEF-in Azərbaycan nümayəndəliyi arasında əməkdaşlığa dair memorandum imzalanıb.





Aprel 2022

~ Sonuncu nömrə ~

Bütün nömrələr

Elanlar
ELANLAR

Daha çox

Film və videolar

Daha çox

Sosial reklamlar

Daha çox

Facebook
Səhiyyə Nazirliyinin nəşrləri

İlham Əliyev

Mehriban Əliyeva

Mehriban Əliyeva


Nigar Məcidova