Müstəqil Dövlətlər Birliyinin Parlamentlərarası Assosiasiyası (MDB PA) nəzdində Səhiyyə üzrə Ekspert Şurasının onlayn iclası keçirilib. İclasda Azərbaycan Milli Məclisinin deputatı Anatoli Rafailov iştirak edib.
Milli Məclisin Mətbuat və ictimaiyyətlə əlaqələr şöbəsindən verilən məlumata görə, tədbir “Tibbi innovasiya texnologiyalarının və dərman təminatının MDB-yə üzv ölkələrdə əhali sağlamlığının idarə olunmasındakı rolu” mövzusuna həsr olunub.
Videokonfransda həmin mövzuda keçirilən informativ sessiyada cəmiyyətin sağlamlığının təmin edilməsində tibbi innovasiya texnologiyalarından səmərəli istifadə, tibbi innovasiya texnologiyalarının və tibbi preparatların tətbiqinin mənəvi, hüquqi məsələləri kimi mövzular üzrə məruzələr dinlənilib, müzakirələr aparılıb.
Onlayn iclasda MDB-yə üzv ölkələrin parlamentlərinin üzvləri, müvafiq dövlət strukturlarının, akademik dairələrin, beynəlxalq təşkilatların təmsilçiləri iştirak ediblər.

---

---