Bir neçə aydır ki, Ümumdünya Səhiyyə Təşkilatı (ÜST) Azərbaycanda Avropa İttifaqının maliyyə dəstəyi ilə “Sağlamlıq üçün həmrəylik təşəbbüsü” və “COVID-19 əleyhinə vaksinasiyaya dəstək” layihələrini həyata keçirir.
Əziz Əliyev adına Azərbaycan Dövlət Həkimləri Təkmilləşdirmə İnstitutu (ADHTİ) həmin layihələrin həyata keçirilməsində yaxından iştirak edib. İnstitutun bazasında əməkdaşların birbaşa iştirakı ilə bir çox təlim və tədbirlər aparılıb.
ÜST-nin Azərbaycan nümayəndəliyi həmin layihələr üzrə davamlı tibbi təhsil fəaliyyətində dəstəyə görə ADHTİ-ni təşəkkürnamə ilə təltif edib.

---

---