Azərbaycan xalqının qəhrəmanlıq tarixinin şanlı səhifəsi olan 20 Yanvar faciəsindən 32 il ötür.
20 Yanvar faciəsinin ildönümü ilə əlaqədar səhiyyə naziri Teymur Musayev və Səhiyyə Nazirliyinin kollegiya üzvləri Ümumxalq Hüzn Günündə Şəhidlər xiyabanını ziyarət ediblər. Ölkəmizin azadlığı uğrunda həlak olanların əziz xatirəsi ehtiramla yad edilib.
Vətən yolunda şəhidlik əsl qeyrət, hünər, şərəf və ləyaqət zirvəsidir. 1990-cı il yanvarın 20-də Azərbaycan xalqı öz azadlığı və müstəqilliyi uğrunda şəhidlər verdi. Azadlıq yolunda qurban gedən Vətən övladları misilsiz fədakarlıqları ilə xalqımızın qəhrəmanlıq salnaməsinə yeni, parlaq səhifə yazdılar.

---

---