Strasburqda Avropa Şurası Parlament Assambleyasının (AŞPA) qış sessiyasının 8-ci seansı keçirilib.
Tədbir avstriyalı parlamentari Stefan Şennakın hazırladığı “İctimai sanitar tədbirlərlə COVID-19 pandemiyasına qalib gəlmək” adlı məruzəsinin dinlənilməsi ilə başlayıb.
Avropalı parlamentarilər koronavirusla mübarizədə peyvənd kampaniyası, peyvəndin bütün ölkələr üçün əlçatanlığının təmin edilməsi, eləcə də məruzə ilə bağlı fikirlərini bildiriblər.
Seans “Avropa Şurası ərazisində məcburi itkin düşmələrə son qoymaq” adlı məruzənin müzakirələri və “Yeni çağırışlar qarşısında Avropanın təhlükəsizliyi: Avropa Şurasının rolu nədir” mövzusunda sərbəst müzakirələrlə davam edib.

Şəhla Ağalarova
AZƏRTAC-ın xüsusi müxbiri
Strasburq

---

---