Əziz Əliyev adına Azərbaycan Dövlət Həkimləri Təkmilləşdirmə İnstitutunda (ADHTİ) penitensiar sistemdə çalışan həkimlərin təkmilləşdirilməsi və onların potensiallarının inkişaf etdirilməsi üçün 2021/2022-ci tədris ilindən etibarən təkmilləşdirilmə kursları keçirilir. Beynəlxalq Qızıl Xaç və Qızıl Aypara Hərəkatının təşəbbüsü ilə təşkil olunan kursun yaradılması psixiatrik yardımın yaxşılaşdırılması məqsədi daşıyır.
İnstitutun mətbuat xidmətindən verilən məlumata görə, "Ağır stresin xüsusiyyətləri və müalicəsi" mövzusunda növbəti kurs Beynəlxalq Qızıl Xaç və Qızıl Aypara Hərəkatının nümayəndələrinin iştirakı ilə ADHTİ-nin Psixiatriya və narkologiya kafedrasında təşkil edilib.
Ədliyyə Nazirliyi sistemində çalışan 11 həkim-psixiatr və narkoloqun iştirak etdiyi kurs başa çatandan sonra müdavimlərə sertifikatlar verilib.

---

---