Akademik Zərifə Əliyeva adına Milli Oftalmologiya Mərkəzinin Avtomobil Səyyar klinikası K.Fərəcova adına Elmi Tədqiqat Pediatriya İnstitutunda tibbi aksiya keçirib.
Mərkəzin Elmi-məlumat, tədris və təşkilati-metodik bölməsindən verilən xəbərə görə, aksiya çərçivəsində institutun 59 əməkdaşı müayinə olunub.
Xüsusi karantin rejiminin tələblərinə əməl olunmaqla həyata keçirilən aksiyanın əsas məqsədi pasiyentləri vaxt itirmədən, yerindəcə, operativ şəkildə müayinə və müalicə etmək, göz xəstəlikləri ilə bağlı monitorinqlər aparmaq, əldə edilən nəticələri müzakirə etmək, aşkarlanan problemlərin həllinə nail olmaqdır.
Qeyd edək ki, Akademik Zərifə Əliyeva adına Milli Oftalmologiya Mərkəzinin avtomobil və dəmiryolu səyyar klinikaları mütəmadi olaraq paytaxtda və ölkənin bir çox regionlarında aksiyalar keçirir.

---

---