“Allerqologiya və kliniki immunologiyanın müasir aspektləri”
Bakıda bu mövzuda elmi-praktik konfrans keçirilib
Bakıda Azərbaycan Tibb Universitetinin (ATU) təşkilatçılığı ilə keçirilən “Allerqologiya və kliniki immunologiyanın müasir aspektləri” mövzusunda elmi-praktik konfransda çıxış edən ATU-nun tədris və müalicə işləri üzrə prorektoru, professor Sabir Əliyev, universitetin elmi işlər üzrə prorektoru, dosent Rauf Bəylərov, Azərbaycan Allerqoloq, İmmunoloq və İmmunoreabilitoloqlar Elmi Cəmiyyətinin prezidenti, ATU-nun II Uşaq xəstəlikləri kafedrasının professoru Amaliya Əyyubova və Tibb Universitetinin Allerqologiya və immunologiya kafedrasının müdiri, professor Lalə Allahverdiyeva təbabət sahələri arasında allerqologiya və immunologiyanın tutduğu aktual mövqedən danışıblar. “Allerqologiya və kliniki immunologiyanın müasir aspektləri” mövzusu ətrafında müxtəlif məruzələrin iştirakçılara faydalı olacağı, konfransın elmi biliklərin mübadiləsində mühüm rol oynayacağı vurğulanıb.
Konfrans plenar iclaslarla işini davam etdirib. Mövzular ətrafında müzakirələr aparılıb və həkimlərin sualları cavablandırılıb.
