Davamlı Tibbi Təhsil proqramına uyğun olaraq, Gəncədəki 3 saylı Şəhər Xəstəxanasında Əziz Əliyev adına Azərbaycan Dövlət Həkimləri Təkmilləşdirmə İnstitutunun (ADHTİ) uşaq cərrahiyyəsi və plastik cərrahiyyə kursları tərəfindən ümumi cərrahiyyə üzrə səyyar distant kurs təşkil edilib.
Təlimdə Gəncə şəhərinin tibb müəssisələrində çalışanlarla yanaşı, ətraf rayonlardan gələn həkim-cərrahlar da iştirak ediblər.
Əsas məqsədi döş qəfəsi cərrahiyyəsi, qida borusu və diafraqmanın cərrahi xəstəlikləri haqqında həkimlərin bilik və bacarıqlarını artırmaqdan ibarət olan kursda dərsləri ADHTİ-nin Cərrahiyyə kafedrasının müdiri, professor Nazim Qasımovun rəhbərliyi ilə kafedranın əməkdaşları aparıblar.

---

---