Brüssel şəhərində Avropa Qulaq-burun-boğaz və baş-boyun cərrahlığı konfederasiyasının konqresi keçirilib.
Toplantıda Azərbaycan Otorinolarinqologiya Cəmiyyəti bu nüfuzlu beynəlxalq qitə qurumunun tamhüquqlu üzvü seçilib.
Konqresdə həmçinin Əziz Əliyev adına Azərbaycan Dövlət Həkimləri Təkmilləşdirmə İnstitutunun Otorinolarinqologiya kafedrasının dosenti Ramil Həşimli "Müğənnilərdə rast gəlinən səs problemləri və onlara yanaşma metodları" məruzəsi ilə çıxış edib. Avropa foniatrlarına Azərbaycan muğamının incəliklərindən bəhs edən natiq onun ifasının səs tellərinə təsirindən, yaratdığı fəsadlardan və onların qarşısının alınması yollarından danışıb.

---

---