ÜST Bakıda bu mövzuda seminar keçirdi

Bakıda Ümumdünya Səhiyyə Təşkilatının (ÜST) təşkilatçılığı ilə “Fövqəladə hallarda risklərin kommunikasiyası üçün potensialın artırılması” mövzusunda seminar keçirilib.
Səhiyyə Nazirliyinin mətbuat xidmətindən verilən məlumata görə, tədbirdə müxtəlif nazirlik, komitə və beynəlxalq təşkilatların nümayəndələri iştirak ediblər.
Seminarın keçirilməsində məqsəd fövqəladə hallarda yaranmış risklər barədə məlumatların mübadiləsi, idarəolunan ötürülməsi, bu məlumatlardan birgə istifadə ilə bağlı maarifləndirilmə, ictimaiyyətin cəlb edilmə yolları, dövlət orqanlarına və respondentlərə olan inamın artırılması kimi mövzularda milli mütəxəssisləri məlumatlandırmaq, bununla da tərəfdaşların fövqəladə hallar zamanı qərarların qəbul edilməsinə dair təcrübə və bacarıqlarını inkişaf etdirmək olub.

---

---