Elmi Tədqiqat Mamalıq və Ginekologiya İnstitutunun direktoru, tibb elmləri doktoru, professor Cəmilə Qurbanova Avropa Tibb Assosiasiyasının və Oksford Akademik Birliyinin birgə təsis etdiyi mükafata layiq görülüb. Alim bu mükafatla uzun müddətli elmi fəaliyyətinə, regional və qlobal sosial və tibbi problemlərin həllindəki roluna və tibb elminə verdiyi töhfələrə görə təltif edilib.
Professor Cəmilə Qurbanova ötən ilin dekabrında Oksford şəhərində və bu ilin aprelində Londonda Oksford Akademik Birliyi və Lordlar Palatasının ümumi qərarı əsasında mükafatlandırılıb.
Qeyd edək ki, Cəmilə Qurbanovaya tibb elminə verdiyi töhfələrə görə Londonda Oksford fəxri professoru, tibbi xidmətin və səhiyyənin təşkilindəki modernləşdirilməsinə görə isə Tbilisidə Rosa Parasels mükafatları da təqdim edilib.

---

---