Respublika Müalicə Diaqnostika Mərkəzi (RMDM) iki dəfə ABŞ-ın “Joint Commission International” (JCI) akkreditasiyasından keçərək, Azərbaycanda ikinci dəfə “Akkreditasiya olunmuş xəstəxana” statusunu qazanmış ilk xəstəxana olub.
2016-cı ildən başlayaraq RMDM dünyanın JCI akkreditasiyasından keçən və “Qızıl nişan” qazanan 1096 aparıcı xəstəxanası sırasında yer alıb.
Bu status RMDM-də tibbi xidmətin yüksək keyfiyyətinin göstəricisidir. Onu qazanmaqda məqsəd pasiyentlər, ziyarətçilər və işçilərin təhlükəsizliyini təmin etmək, qabaqcıl və sübutlara əsaslanan müalicə və tibbi qulluğun keyfiyyətini yüksək səviyyədə saxlamaq və daim daha da yaxşılaşdırmağa çalışmaqdır.
Qeyd edək ki, JCI bütün dünyada səhiyyə mərkəzlərinin akkreditasiyasını icra edən ən nüfuzlu və etibarlı təşkilat kimi qəbul olunur.

---

---