İ.M.Seçenov adına Birinci Moskva Dövlət Tibb Universitetinin (İ.M.Seçenov adına Birinci MDTU, Seçenov Universiteti) Bakı filialında “Səhiyyənin təşkili, icbari tibbi sığorta və tibbi müəssisələrin idarə edilməsi” kursu üzrə birinci məşğələ keçirilib.
Səhiyyənin təşkili və icbari tibbi sığorta sahəsində mütəxəssislər, həmçinin tibb müəssisələrinin rəhbərləri üçün nəzərdə tutulan kursda məşğələlər İ.M.Seçenov adına Birinci MDTU-nun Liderlik və Səhiyyənin İdarə Edilməsi İnstitutunun müəllimləri tərəfindən aparılır.
Altı əsas bölmədən ibarət tədris kursunda müdavimlər iki ay müddətində ictimai səhiyyə, tibbi yardımın keyfiyyətinin idarə edilməsi, icbari tibbi sığorta, səhiyyənin təşkili və tibb müəssisələrinin menecmenti, habelə səhiyyənin iqtisadiyyatı və maliyyələşdirilməsi üzrə zəruri biliklər əldə edəcəklər. Kursu bitirəndən sonra onlar buraxılış layihələrinin təqdimatını keçirəcəklər.

---

---